新闻讲：近日，广州一款以“自己友”、“顶硬上”、“冇得弹”、“平靓正”四个街坊粤语口头禅为主题的粤语文化衫走红网络。

　　阿六讲：点解呢几句嘢会成为广州人口头禅呢？恕小弟喺度抛下书包。

　　“自己友”系自己人嘅意思，即唔将对方当外人。比如帮人办事就会讲“自己友，冇问题”。呢句粤语可以成为口头禅之首，我谂，主要原因系佢突出咗广州人包容呢个特点。

　　“顶硬上”系有故事嘅。广东籍民族英雄袁崇焕当年喺抗清战场生死关头时，就讲出一句“丢那星，顶硬上！”呢句振奋军心嘅话就咁流传。后嚟又被一啲码头工人改成“鬼叫你穷呀，顶硬上啦”。“顶硬上”表面睇有啲粗鲁，但实质上系反映出广州人迎难而上嘅刚强一面。实际上，宜家喺职场，如果有困难你唔“顶硬上”，就好易被炒。

　　粤语中嘅“弹”有批评、挑剔嘅意思，系“赞”嘅反义词。粤语有句著名歇后语：湿水棉花——冇得弹！讲嘅就系无可挑剔、非常完美嘅意思。“冇得弹”系未正好系讲广州人得益改革开放之风而创造嘅成果呢？

　　“平靓正”喺街市经常听到嘅叫卖声，因为广州个体户口碑好全国出名。呢三个字正解系——平：价低；靓：漂亮；正：质好。

　　呢款文化衫咁有粤语文化，当然走红啦。